Categories: LajmeEkonomi

Dëftesat tregtare, gati projekti. Qeveria kërkon të zgjidhë problemet e fermerëve

Një dëftesë tregtare bujqësore që e gjen të gatshme në portalin e-Albania dhe më pas një regjistër i këtyre dëftesave që krijohet për herë të parë dhe financohet nga Sekretariati Ekonomik i Zvricrës, do të jenë zgjidhja që iu afrohet fermerëve shqiptarë për zgjidhjen e problematikave të deritanishme.  

Kryesore është pamundësia e fermerëve për të marrë financime apo vështirësitë për të përfituar kredi bujqësore, të cilat,  në këtë fushë, konsiderohen me risk të lartë nga ana e bankave. Edhe përdorimi i produkteve bujqësore si koletaral është i pamundur. Njëlloj si toka bujqësore, e cila nuk është e mundur të përdoret si kolateral, si pasojë e mungesës së dokumentacionit të pronësisë.

Po njëjtë, fermerët vuajnë edhe një marrëdhënie shit-blerje mes fermerit dhe një blerësi, i cili paraprakisht hyn garant për të blerë produktin e ardhshëm bujqësor që do kultivojë/prodhojë fermeri. Në mungesë të një ligji që ofron mbrojtje për fermerin është provuar se shpesh  blerësi abuzon me pozicionin e tij në mënyrë që të ulë çmimin real.

Qeveria ka paraqitur një projektligj , për herë të parë, që siguron që me instrumente financiare alternative të krijohet një qasje e re, ku fermerëve u krijohet një mundësi për financime si përmes sistemit bankar apo/edhe si hallkë e zinxhirit bujqësor të vlerave. Ligji i ri përdor produktin bujqësor, në magazinë apo në prodhim e sipër, të mund të përdoret si kolateral.

Sipas autoriteteve synimi është pajisja e fermerët me dëftesën tregtare, me qëllim përfitimin e kredive bankare më përqindje më të ulët, brenda një afati 3-vjeçar. 

Qeveria sqaron se kosto ekonomike është krijimi i regjistrit të dëftesave tregtare mbi produktet bujqësore në platformën e-Albania, ndërsa shpenzimet për këtë janë marrë përsipër të mbështeten nga projekti SECO (Sekretariati Ekonomik i Zvicrës) për një periudhë 3-vjeçare nga momenti i krijimit dhe funksionimit të tyre.

Sektori privat, pra fermerët shqiptarë nuk kanë kosto, pasi edhe lëshimi i dëftesave tregtare online, nëpërmjet modulit të dedikuar në platformën e-Albania do të jetë pa pagesë.

Nëpërmjet këtij ligji parashikohet të aplikohen çmime më të arsyeshme për konsumatorin, si dhe produkte bujqësore më të kontrolluara dhe më cilësore, përfshirë edhe rritjen e të ardhurave për familjet bujqësore.

Gazetar: Bardhi Sejdarasi

RTSH Shkodra

Recent Posts

Panorama e hyrjes së Shkodrës  – Pas aksionit për shembjen e objekteve nga IKMT, horizonti i fushëpamjes është zgjeruar

Në territorin ku është zhvilluar aksioni kanë mbetur inertet nga shembja e objekteve.  Ato zënë…

14 hours ago

Silvinjo: Nisim një vit të rëndësishëm, ëndërrojmë të shkojmë në Botëror

Pas publikimit të listës së Kombëtares, me emrat e grumbulluar për dy sfidat ndaj Anglisë…

14 hours ago

Koncert me muzikë e poezi – Eni Haxholli dhe Erlind Hoxha sollën tingujt e flautit dhe kitarës për publikun

Salla e Koncerteve në Shkollën Artistike “Prenkë Jakova” çeli dyert për koncertin e Grand Duo-s…

14 hours ago

Saipani, territor amerikan, ku nënat kineze shkojnë sa për të lindur

I ashtuquajturi turizmi i lindjeve nuk po ndodh vetëm brenda Shteteve të Bashkuara. Nënat shtatzëna…

14 hours ago

Autorët shqiptarë marrin çmimin e ekselencës në Itali

Shkrimtari dhe krijuesi lezhjan Ndue Dragusha është vlerësuar në Itali me çmimin special ndërkombëtar të…

14 hours ago

Denaj: 1909 teste të akredituara në laboratorët e sigurisë ushqimore, nga 6 në 2013-n

Sot, në Ditën Botërore të Konsumatorit, Ministria e Bujqësisë dhe Zhvillimit Rural riafirmon angazhimin e…

14 hours ago

This website uses cookies.