Delegacioni i BE: Kolegji i Europës në Tiranë çel sot aplikimet

Delegacioni i Bashkimit Evropian në Tiranë  ka vlerësuar se hapja e Kolegjit të Europës në Tiranë, është një hap historik. Ky institucion, i pari i këtij lloji jashtë territorit të Bashkimit Evropian, hap dyert për arsimim e lartë për studentët shqiptarë.

Presidentja e Komisionit Evropian, Ursula von der Leyen, së bashku me kryeministrin Edi Rama dhe rektoren e Kolegjit të Europës, Federica Mogherini, kanë zhvilluar një ceremoni për hapjen e aplikimeve për vitin akademik 2024-2025 në kampusin e Tiranës.

Delegacioni i BE-së në një postim në rrjetet sociale ka theksuar se Kolegji i Europës do të ofrojë mundësi për studentët e rinj shqiptarë dhe atyre nga Ballkani Perëndimor, duke i njohur BE-në, në mënyrë thelbësore dhe duke i përgatitur ata për të përfaqësuar Bashkimin Evropian në nivel ndërkombëtar.

“Kolegji i Evropës do t’u japë mundësi studentëve të rinj nga Shqipëria, atyre nga Ballkani Perëndimor dhe nga e gjithë Evropa që të njohin BE-në  thellësi dhe në të ardhmen të bëhen ata që do ta përfaqësojnë në të gjithë botën” shkruan Delegacioni i BE-së në Tiranë.

Kjo hapje është bërë në vigjilje të Samitit të liderëve të Procesit të Berlinit, i cili po zhvillohet në Tiranë, dhe është një shenjë e rëndësishme e bashkëpunimit të thellë ndërmjet Shqipërisë dhe BE-së në fushën e arsimit dhe kulturës.

Në vigjilje të Samitit të liderëve të Procesit të Berlinit, i cili mbahet sot në kryeqytet, u zhvillua dje në Shtëpinë e Europës, ceremonia e lançimit të programeve për vitin akademik 2024 – 2025, i cili do të nisë me 31 studentë. Gjatë ceremonisë, Rektorja e Kolegjit të Evropës, Federica Mogherini, njoftoi ndër të tjera edhe nisjen e procesit të aplikimeve online për vitin e ardhshëm akademik për studentët që do të studiojnë në Universitetin Europian të Bryzhit, në kampusin e Tiranës.

Kliko te link-u në qoftë se dëshiron të jesh pjesë e Kolegjit të Evropës – Kampusi në Tiranë https://www.coleurope.eu/tirana