Demiral eliminon Austrinë, Turqia në çerekfinale
Turqia është skuadra e tetë dhe e fundit që kualifikohet në çerekfinalen e Euro 2024. Në Leipzig ndaj Austrisë, përzgjedhja e Montellës fitoi 2-1 duke përfituar nga mbrëmja magjike e Merih Demiral, autor i një dopiete vendimtare.
Mbrojtësi zhbllokoi sfidën që në minutën e parë duke përfituar nga një ngatërresë mes Baumgartner dhe Posch, më pas mundi Pentz në pjesën e dytë pas zhvillimit të një goditje këndi.
Austria u kundërpërgjigj në minutën e 66-të me Gregoritsch, por rrethimi i portës së Gonukut nuk çoi në barazimin. Në çerekfinale Turqia do të përballet me Holandën.
Mbyllet sfida, Turqia fiton 2-1 përballë Austrisë dhe siguron biletën për në çerekfinale ku e pret Holanda.
90’+5′ – Mundësi për Austrinë! Prass hedh topin në zonë, Baumgartner godet me kokë, por Günok shpëton me një ndërhyrje të çmendur!
90’+4′ – Mundësi për Turqinë! Kadıoğlu kalon dy kundërshtarë dhe i shërben Aktürkoğlu në qendër. Pentz eviton rrezikun me daljen e tij.
85′ – Mundësi për Austrinë! Posch kroson nga e djathta, Günok del bosh por Baumgartner nuk arrin të shënojë me një goditje me kokë.
81′ – Austria në sulm, Turqia nuk mund të dalë nga gjysma e fushës së saj.
74′ – Grillitsch tenton një goditje nga jashtë zonës. Megjithatë, përfundimi i tij është shumë qendror për të habitur Günok.
69′ – Gregoritsch tenton të materializojë një top qendror me një goditje me kokë. Gunok është i vëmendshëm dhe e bën topin pronë të tijë.
66’ – Austria reagon më në fund pas shumë mundësive të humbura, është Gregoritsch që ka ngushtuar rezultatin me finalizimin e tij.
59’ – Edhe njëherë Demiral. Mbrojtësi i përfaqësueses turke ka kërcyer më shumë se të gjithë për të mposhtur portierin Pentz për të dytën herë.
51’ – Arnautović humbet një mundësi të artë për të vendosur barazpeshën, goditja e tij është ndalur nga Günok.
48′ – Baumgartner kroson nga e djathta, Gregoritsch hyn në qendër, por tentativa e tij shkon jashtë portës së Günok.
Nis pjesa e dytë
Mbyllet pjesa e parë
45′ – Vetëm një minutë kohë shtesë.
38′ – Kartoni i verdhë për Schmid pas një goditjeje të dukshme ndaj Kadıoğlu.
36′ – Tifozët turq dëgjohen më në fund pas një veprimi elegant të Gylerit mes tre kundërshtarëve.
34′ – Sabitzer tenton një goditje nga jashtë zonës, por Bardakcı e largon.
30′ – Moment loje me disa faulle pasi të dyja skuadrat kanë shpenzuar shumë energji në minutat e para.
26′ – Lojë e shkëlqyer nga Yılmaz, i cili kalon një kundërshtar me një tunel në krah, por krosimi i tij është i pasaktë dhe nuk arrin të gjejë Yıldız në shtyllën e largët.
19′ – Güler sheh portierin kundërshtar jashtë shtyllave dhe tenton një gjuajtje nga mbi 60 metra, topi përfundon jashtë.
13′ – Turqia përpiqet të marrë frymë. Presion i madh nga skuadra e drejtuar nga Ralf Rangnick.
6′ – Mundësi për Austrinë. Në zhvillimin e një goditje këndi, topi kalon të gjithë zonën e vogël me një krosim të ulët, Demiral mbulon Baumgartner, i cili nuk arrin të gjejë devijimin fitues.
3′ – Austria përpiqet të reagojë menjëherë! Baumgartner kapërcen dy kundërshtarë dhe tenton një goditje, por që përfundon jashtë.
1’ – Turqia arrin të gjejë golin pa u mbush minuta e parë, Demiral përfiton nga një rrëmujë në zonën austriake dhe e dërgon topin në rrjetë.
1’ – Austriakët shkelmojnë të parët topin
Austria dhe Turqia mbyllin fazën e fazës së 16-shes. Arnautovic nis titullar në formacionin e Rangnick, edhe Posch nga minuta e parë. Montella është pa Calhanoglu, jashtë për shkak të pezullimit. Përpara Yildiz. Kush kalon gjen Holandën, që sapo ka mundur Rumaninë.
AUSTRI-TURQI
AUSTRI(4-2-3-1): Pentz; Posch, Danso, Lienhart, Mëene; Seiëald, Schmid; Baumgartner, Laimer, Sabitzer; Arnautovic. Trajner: Rangnick
TURQI(4-2-3-1): Gunok; Muldur, Demiral, Bardakci, Kadioglu; Ayhan, Yuksek; Arda Guler, Kokcu, Yıldız; Yilmaz. Trajner: Montella
