Dëmtohet argjinatura e Oblikës/ Banorët: Të ndërhyhet dhe të merren masa për rehabilitimin e përroit

Janë mbi 100 familje që banojnë në të dy anët e përroit të Oblikës në njësinë administrative të Anës së Malit. Mirëpo rreziku është evident kur po futemi në stinën e dimrit pasi shtrati i përroit i ndihmuar edhe nga ndërhyrjet e bëra pa kriter ka pësuar devijime dhe bashkë me to dhe argjinatura dhe çarja e plotë e saj, do të sillte pasoja të paparashikueshme. Sikur të mos mjaftonte dëmtimi, në argjinaturën ku kaloi përroi i fshatit hidhen çdo ditë sasi të mëdha mbeturinash dhe inertesh.Në këtë vend nevojitet një financim konkret dhe projekt serioz.Çështë e vërteta në njësinë administrative Ana e Malit ende nuk është bërë asnjë investim serioz, ndaj në rast se do të përsëritet e njëjta situatë si vitet e shkuara kjo pritë nuk e përballon vërshimin e ujit.