Denaj: Sasia e eksporteve bujqësore, rritje me 10% 3 muajt e parë të vitit
Produktet bujqësore po shtojnë praninë e tyre në mënyrë të qëndrueshme në tregjet e huaja.
Ministrja e Bujqësisë dhe Zhvillimit Rural, Anila Denaj bëri të ditur se, “eksportet bujqësore vijojnë me trendin rritës dhe për periudhën janar-mars 2025 u rritën me 10% në sasi, krahasuar me të njëjtën periudhë të një viti më parë”.
Sipas saj, performanca pozitive e sektorit bujqësor tregon punën e palodhur të fermerëve që po japin një kontribut të pazëvendësueshëm në zhvillimin e sektorit dhe fuqizimit të markës “Made in Albania”.
“Eksportet bujqësore shqiptare sot gjendet në 80 tregje ndërkombëtare”, tha Denaj.
Ministrja shprehu angazhimin e qeverisë për rritjen e mbështetjes nga fermerëve dhe prodhimit bujqësor vendas.
“Transformimi i sektorit sot është një realitet, ndaj do të vijojmë politikat mbështetëse për të gjithë njerëzit e punës drejt objektivit të qeverisë 1 miliard dollarë eksporte deri në 2030”, deklaroi Denaj.
Buxheti i vitit 2025 adreson për bujqësinë dhe zhvillimin rural rreth 15 miliardë lekë me prioritetet financimin e fermerëve dhe forcimin e qëndrueshmërisë së sektorit.
Buxheti përfshin gjithashtu financimin e politikave për zhvillimin e qëndrueshëm të bujqësisë, ekonomisë blu dhe digjitalizimin.
Statistikat tregojnë se gjatë periudhës janar -mars 2025, eksportet bujqësore u rritën në sasi në 95 292 tonë kundrejt 87 051 tonë që ishin në janar- mars 2024.
