Denoncime në polici për llogari të rreme në rrjetet sociale, policia: Po punohet për identifikimin dhe ndalimin e autorëve

Specialistët e Sektorit për Hetimin e Narkotikëve referuan materialet në Prokurori, ku filloi procedimi në gjendje të lirë për shtetasin A. T., 25 vjeç, banues në Laç, pasi në PKK Muriqan, në dalje, gjatë kontrollit në automjet, shërbimet e Policisë kufitare i gjetën një sasi të vogël lënde të dyshuar narkotike kanabis, e cila u sekuestrua në cilësinë e provës materiale.

Specialistët e Sektorit të Qarkullimit Rrugor referuan materialet në Prokurori, ku nisi procedimi në gjendje të lirë për shtetasin K. S., 19 vjeç, banues në Shkodër, pasi është kapur duke drejtuar motomjetin, pa leje drejtimi. 

Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për shtetasit:

– R. B., 21 vjeç, banues në Shkodër, pasi kanë bërë kallëzim 2 shtetase, se 21-vjeçari i ka kanosur me fjalë, për motive të dobëta, në ambientin e pallatit ku banojnë;

– F . S., 55 vjeç, banues në Shkodër, pasi ka kryer punime ndërtimi, pa lejen përkatëse.

-Në Drejtorinë Vendore të Policisë Shkodër është paraqitur një shtetase 30 vjeçe, e cila ka kallëzuar se në rrjetet sociale “Tik Tok”  dhe “Instagram” janë hapur llogari me emrin e saj, në të cilat janë publikuar foto dhe informacione të rreme. Po punohet për identifikimin dhe kapjen e autorit/ëve.

-Në Drejtorinë Vendore të Policisë Shkodër është paraqitur një shtetase 20 vjeçe, e cila ka kallëzuar se në rrjetin social “Instagram” është hapur një llogari me emrin e saj, në të cilën janë publikuar foto dhe informacione të rreme. Po punohet për identifikimin dhe kapjen e autorit/ëve.

-Në Drejtorinë Vendore të Policisë Shkodër është paraqitur një shtetas 19 vjeç, i cili ka kallëzuar se i kanë vjedhur llogarinë e tij në rrjetin social “Instagram”. Po punohet për identifikimin dhe kapjen e autorit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.