Denoncimi i presidentit, grusht shteti në Bolivi. Gjeneralët tentojnë të marrin pushtetin

Presidenti bolivian Luis Arce ka denoncuar mobilizimin e disa njësive të ushtrisë në La Paz të mërkurën dhe ish-udhëheqësi Evo Morales akuzoi një gjeneral të lartë për komplot për grusht shteti.

Ushtarë të armatosur rëndë dhe automjete të blinduara u panë duke u mbledhur në qendrën e kryeqytetit Plaza Murillo, sipas videove të shpërndara në mediat sociale.

“Tre shefat e forcave të armatosura kanë ardhur për të shprehur shqetësimin tonë. Do të ketë një kabinet të ri ministrash, me siguri gjërat do të ndryshojnë, por vendi ynë nuk mund të vazhdojë më kështu” tha gjenerali Juan Jose Zuniga për një stacion televiziv lokal, transmeton Reuters.

Morales, i cili është ndarë publikisht me Arce, megjithëse të dy i përkasin të njëjtës lëvizje socialiste, njoftoi një mobilizim kombëtar të mbështetësve të tij për të mbështetur demokracinë.

Ai akuzoi Zuniga se kërkon të organizojë grusht shteti dhe njoftoi një ndalesë të përgjithshme të punës duke përfshirë një thirrje për të bllokuar rrugët.

Morales tha se “Ne nuk do të lejojmë që forcat e armatosura të shkelin demokracinë dhe të frikësojnë njerëzit”.