Inter-Milan do të jetë finalja e Superkupës së Italisë për sezonin 2024-2025. Sërish derbi i Milanos, si dy vite më parë, sërish në Riad.
Ky është rezultati i gjysmëfinaleve të Superkupës: të enjten Interi mundi Atalantën 2-0 falë një dygolëshi nga Dumfries. Të premten, Milani përmbysi Juventusin 2-1: pas golit të Yildizit, ishte penalltia e Pulisic dhe autogoli i Gattit që i dhanë kualifikimin në finale trajnerit të ri të kuqezinjve, Conceiçao.
Finalja e Superkupës së Italisë do të luhet të hënën më 6 janar në orën 20:00 (kur në Arabinë Saudite do të jetë ora 22:00) në Al-Awwal Park në Riad.
Në rast barazimi në 90-të minutat e kohës së rregullt, koha shtesë nuk do të luhet por ndeshja do të shkojë direkt në penallti.
Për herë të tretë në histori derbi i Milanos do të vendosë Superkupën e Italisë. Ka dy precedentë: në vitin 2011 me fitoren 2-1 në Kinë për kuqezinjtë; në vitin 2023 me triumfin e qartë të zikaltërve, 3-0 në Riad me golat e Dimarco, Dzeko dhe Lautaro.
Kryeson renditjen e Superkupave të fituara Juventusi me 9 trofe, Interi me 8 (3 të fundit radhazi) dhe Milani me 7 (fitorja e fundit në 2016).
Do të jetë derbi numër 241 i Milanos: i treti në Superkupën e Italisë, i katërti që jep një trofe (shtohet Kupa e Italisë ’77, e fituar nga Milani).
Koha e pajisjes me dokumente identifikimi për qytetarët shqiptarë që jetojnë jashtë vendit do të…
Një studim i fundit ka zbuluar se një bisedë dy-orëshe me një model të inteligjencës…
Cecilia Sala, gazetarja italiane e ndaluar në Iran që prej 19 dhjetorit, po kthehet në…
Dorëheqja e Justin Trudeau pas një dekade në pushtet, ka nxitur zërat se kush mund…
Komisioni Europian ka deklaruar se plani i Shqipërisë për të bllokuar platformën sociale TikTok është…
Kryetari i Grupit Parlamentar të PD-së, Gazment Bardhi, ka reaguar pas vendimit të qeverisë për…
This website uses cookies.