Dëshmia e mjekëve në procesin e Maradonës: Nuk duhej të ishte operuar!
E përditshmja argjentinase “La Nacion” ka publikuar pjesë nga dëshmia e katër mjekëve specialistë, të cilët janë ftuar për të dëshmuar procesin e hapur për të hedhur dritë mbi rrethanat e vdekjes së Diego Armando Maradonës.
Në seancën e dhjetë të këtij procesi dëshmia e katër mjekëve ka vendosur përpara përgjegjësisë neurokirurgun Leopoldo Luke, i cili vendosi të bëntë ndërhyrjen në kokë më tre nëntor të 2020-ës. Sipas mjekëve ajo ndërhyrje nuk ishte e nevojshme për të ulur hematomën.
“Nuk kishte asgjë urgjente që të justifikohej ajo ndërhyrje. Unë i thashë mjekëve se pacianti kishte sëmundje të tjera, të cilat mund të komplikonin rikuperimin e tij pas ndërhyrjes”, tha neurokirurgu Gijermo Burry, drejtor i repartit të neurokirurgjisë së spitalit Ipensa në La Plata ku Diego Maradona u shtuar më 2 nëntor të 2020. Versioni i Burryt u mbështet edhe nga mjeku i traumës Flavio Tunesi, i cili përveç se punonte në Ipensa është edhe mjek i Gimnasia dhe Esgrima të La Platës, skuadër e stërvitur nga Maradona në atë kohë. Tunesi në dëshminë e tij tha se hematoma në kokë nuk ishte burimi i gjendjes së rënduar shëndetësore të Maradonës dhe se i kishte Lukes që të mo e operonte pasi kundër një hapi të tillë ishin edhe mjekët e spitalit. “Rri i qetë dhe faleminderit për mbështetejn, por Diegon do ta marr dhe do ta operoj në një spital të Buenos Airesit”, tregon Tunesi përgjigjen që kishte marrë nga Luke.
