“Detyrim paraqitje”, Berisha shkon në SPAK: Rama të dorëhiqet, organizoi grusht shteti brenda shtetit

Berisha shkon në SPAK

Kreu demokrat Sali Berisha është paraqitur këtë të hënë (17 shkurt) në Prokurorinë e Posaçme kundër Korrupsionit dhe Krimit të Organizuar për zbatimin e masës së sigurisë “detyrim paraqitje”.

Pas daljes nga ambientet e SPAK, në një deklaratë për mediet, Berisha ka deklaruar se grumbullimi i mbështetësve të Veliajt para SPAK, përbën grusht shteti brenda shtetit, pasi sipas kreut demokrat, u morën peng gjykatës e prokurë të çështjes së Kryebashkiakut Erion Veliaj.

Por unë sot do të dënoj me forcën më të madhe aktin puçist, banditesk të narkoqeverisë dhe narkobashkisë Rama, të cilët morën peng për orë të tëra gjykatës dhe prokurorë të çështjes Veliaj.

Rikthyen në Tiranë skenat e viteve ’80, kur Eskobari sulmoi gjykatën dhe aty pati viktima të tëra. Pas 40 e sa vitesh, Ediskobari kreu të njëjtin akt ndaj gjykatës dhe prokurorisë. Në historinë e botës ka pra vetëm dy raste, ka rastin Eskobar dhe rastin Ediskobar. Në historinë e botës ka me qindra raste protestash opozitare apo grupe interesi para gjykatave dhe prokurorive në çdo kryeqytet të botës. Por protestë shtetërore, protestë e organeve shtetërore, ajo përbën një grusht shteti brenda shtetit”, deklaroi Berisha.

Ky i fundit ka kërkuar ndër të tjera edhe dorëheqjen e Kryeministrit të cilin e akuzon se ka vjedhur paratë e taksapaguesve shqiptarë.

Dhe e garantoj Edi Ramën dhe Erion Veliajn se ky krim antikushtetues do u regjistrohet atyre dhe do ndëshkohen në mënyrë shembullore që kujt të mos i shkojë mendja në pushtet të sulmojë pushtetin tjetër”, tha ai.

Më 12 shkurt, mbështetës të Veliajt u grumbulluan para SPAK, ndërsa kjo e fundit konfirmonte masën e sigurisë “arrest me burg” për Kryebashkiakun e Tiranës.

Një ditë pas grumbullimit, opozita akuzoi se Policia nuk kreu detyrën duke mos qenë prezentë para SPAK dhe duke mos ndaluar simpatizantët e Veliajt që të bllokonin makinë që do transportonte për në burgun e Durrësit, Kryebashkiakun.

Pas këtyre akuzave nga opozita, reagoi edhe SPAK e GJKKO, të cilat e kanë quajtur “të paprecedentë” dhe “shkelje flagrante të detyrimeve ligjore” mungesën e prezencës policore gjatë situatës së krijuar përpara GJKKO-së nga mbështetësit e kryebashkiakut Erion Veliaj, teksa po verifikohej masa e tij e sigurisë.

Në një njoftim për mediet, GJKKO-ja shkroi se edhe pse Garda e Republikës, si përgjegjëse për sigurinë e gjyqtarëve të posaçëm, kërkoi ndihmën e Policisë së Shtetit për të siguruar perimetrin e jashtëm, “nuk ka pasur asnjë reagim nga ana e saj”.

Sipas GJKKO-së, gjyqtarëve mund t’u ishte rrezikuar jeta dhe shëndeti, pasi automjetet e tyre u qëlluan nga ana e protestuesve.

A note to our visitors

This website has updated its privacy policy in compliance with changes to European Union data protection law, for all members globally. We’ve also updated our Privacy Policy to give you more information about your rights and responsibilities with respect to your privacy and personal information. Please read this to review the updates about which cookies we use and what information we collect on our site. By continuing to use this site, you are agreeing to our updated privacy policy.