Dhjetëra të arrestuar, sekuestrohen 8 ton kokainë në një nga operacionet më të mëdhenj në Evropë
Forcat policore evropiane kanë arrestuar rreth 40 persona në një operacion për të shkatërruar një rrjet droge, duke çuar në sekuestrimin e tetë tonëve kokainë, tha Europol.
Karteli, drejtuesit e të cilit ishin me bazë në Turqi dhe Dubai, i ishte dhënë një goditje e madhe pas një morie arrestimesh, tha agjencia e koordinimit të policisë me bazë në Hagë.
Rrjeti kishte “kapacitetin për të transportuar tonelata kokainë në të gjithë botën”, tha Oscar Esteban Remacha, kreu i njësisë kundër trafikut të drogës në Guardia Civil të Spanjës, në një konferencë shtypi në Madrid.
Sipas Europolit, faza përfundimtare e operacionit filloi me zbulimin e gushtit 2023 nga Guardia Civil i 1,540 kilogram kokaine në një varkë pranë ishujve Kanarie, ekuipazhi i së cilës ishin shtetas kroatë dhe italianë.
Spanja është një pikë kryesore hyrëse për drogën në Evropë duke pasur parasysh lidhjet e saj me Amerikën Latine dhe afërsinë me Marokun. Shumë anëtarë të rrjetit ishin nga vendet e Ballkanit, tha Europol.
Në total, rreth 40 vetë u arrestuan në gjashtë vende, duke përfshirë dy anëtarët kryesorë kroatë të rrjetit, të cilët u arrestuan në Stamboll në fund të vitit të kaluar.
