Dhurim vullnetar gjaku – Rreth 20 mësues  të shkollës jopublike “Maarif” në Shkodër, i bashkohen nismës

Me qëllim rritjen e ndërgjegjësimit mbi rëndësinë e dhurimit të gjakut dhe rolin e tij jetik në shpëtimin e jetëve, rreth 20 mësues të stafit  pedagogjik të shkollës jo publike  “Maarif  Shkodër Campus” i janë bashkuar nismës së kësaj shkolle për një seancë dhurimi gjaku.

Përfaqësues të Qendrës Kombëtare të Transfuzionit të Gjakut, që realiazuan sencën e dhurimit të gjakut në ambjentet e kësaj shkolle, vlerësuan kontributin e vazhueshëm që japin institucionet  e Shkodrës, kryesisht ato arsimore, përmes nismave vullnetare, në sigurimin e rezervave të gjakut në ndihmë të të sëmurëve talasemik.

Motoja e nismave  të shpeshta të dhurimit të gjakut, të organizuara nga institucionët në Shkodër, është se duke dhuruar gjak kontribuojmë jo vetëm për të ndihmuar ata që kanë më shumë nevojë, por gjithashtu forcojmë frymën e solidaritetit dhe bashkëpunimit në komunitetin tonë.