Diaz gola për “lirimin” babait, ndëshkon Brazilin dy herë

Kolumbi-Brazili është e destinuar të mbetet në histori jo vetëm për faktin se vendasit fituan në shifrat 2-1. Heroi i ndeshjes ishte Luis Diaz. Sulmuesi i Liverpulit festoi golat me babain prezent në stadium, ky i fundit ishte protagonisti i vetëm i takimit pasi vetëm pak ditë më parë fitoi “lirinë” pas pengmarrjes 13 ditore nga ana e njësive gurrilje kolumbiane.

Brazili e nisi më mirë ndeshjen duke kaluar në vanatazh me anë të Martinelit (2’). Me kalimin e minutave skuadra e Diniz vuajti entuziazmin e publikun vendas ndërsa pësoi një goditje të fortë kur u detyrua të zëvendësonte Vinicius Zhuniorin e dëmtuar.

Kolumbia nga ana e saj kurrë nuk reshti së besuari. Në pjesën e dytë Diaz, me dy golat e tij i dha fitoren vendasve. Ndërsa Brazili i Diniz shkon në mënyrën më të keqe të mundshme në takimin e radhës ku në “Maracana” pret Argjentinën.

Pas pesë ndeshjeve të para të luajtura në Eliminatoret Amerikës Latine për Botërorin e 2026-ës, Kolumbia mban vendin e tretë me 9 pikë ndërsa Brazili qëndron dy vende më poshtë me dy më pak.