Diferencim mbetjesh në Reç/ Banorët: Zona vuan për pastrim dhe kontinierë

Rrugës drejt zonës turistike të Reçit një prej ndalesave Bashkia Malësi e madhe ka vendosur që të bëjë diferencim të mbetjeve, standart që nuk e ofron asnjë prej bashkive të qarkut! Por kjo nuk zgjat shumë, së pari nuk ka asnjë diferencim brënda koshave e së dyti vetëm përgjatë gjithë pjesës tjetër të rrugës dhe deri në Reç mbeturinat janë të shpërndara në anësore të rrugës. Sipas banorëve aty ku ka kontinierë të diferencuar janë edhe banorët e pandërgjegjësuar për ti ndarë mbeturinat! Por gishti drejtohet tek pushteti vendor i cili zonën turistike të Reçit dhe shumë fshatra të tjerë i kanë lënë jashtë vëmendjes së vendosjes së kontinierëve të mjaftueshëm. Disa ditë më parë banorët denoncuan tonelata mbetje të hedhura në Koplik. Po ashtu rruga e Boriçit është një tjetër vatër e nxehtë e cila grumbullon mbetje të shumta në kanalin anësor. Pastrimi në Malësi të Madhe mbetet një sfidë për pushtetin vendor…!