Digjen dy automjete në Shkodër – U përplas nga një automjet, humb jetën 62-vjeçari
Dy makina në pronësi të shtetasit Sebatin Hoxha, janë djegur mëngjesin e sotëm në Shkodër.
Sipas policisë, rreth orës 03:25, në lagjen “Kongresi i Përmetit” ka rënë zjarr në 2 automjete, tip “Benz ML” dhe “Kiron Ssanyong”, në pronësi të shtetasit Sebatin Hoxha.
Si pasojë janë shkaktuar vetëm dëme materiale.
Grupi hetimor vijon punën për sqarimin e rrethanave të rastit dhe përcaktimin e shkakut të rënies së zjarrit.
Ndërkohë, një aksident ka ndodhur mbrëmjen e shkuar në Shkodër.
Policia njofton se një 62-vjeçar, i identifikuar si shtetasi Lushë Qokaj, është përplasur nga një automjet në fshatin Shtoj dhe nuk i ka shpëtuar dot dëmtimeve të marra duke ndërruar jetë gjatë transportimit në spital.
Ndërkohë, shoferi i automjetit që shkaktoi aksidentin është shpallur në kërkim, pasi është larguar nga vendngjarja.
