Dita botërore e fëmijëve me sindromën Down/ Domnori: Janë pjesë e shkollave gjithpërfshirëse me mësues ndihmës
21 Marsi është Dita Botërore e fëmijëve me sindromën Down. Në Shkodër 5 fëmijë janë integruar në shkollat gjithpërfshirëse. Sipas shërbimit psiko-social, puna me këta fëmijë është e bukur, pasi janë vetë të vegjlit ata të cilët dhurojnë shumë dashuri. Nëse aftësitë e tjera kufizuese kërkojnë ekzaminim të hershëm, fëmijët me sindromën down kërkojnë zbulim të hershëm të talenteve që fshehin. Në Shkodër krahas 5 fëmijëve që ndjekin shkollat gjithpërfshirëse me mësues mbështetëse, janë edhe 9 të tjerë që janë pjese e shkollës profesionale “3 Dhjetori”. Edhe në këtë 21 mars apeli u drejtohet veçanërisht komunitetit, sindroma down nuk është sëmundje, por një kromozom më tepër, ndaj duhet ti duam dhe ti përkrahim..
