Dita Botërore e Librit dhe e të Drejtës së Autorit
Sot është Dita Botërore e Librit dhe e të Drejtës së Autorit.
UNESCO e kremton këtë ditë si një festë dedikuar fuqisë së librave.
“Librat janë si një dritare drejt një bote tjetër, me çdo faqe të re, ata na njohin me njerëz të rinj, kultura të reja dhe ide të reja”, shkruan UNESCO
Kjo datë mban një simbolikë të pamasë në letërsinë botërore, duke shënuar vdekjen e disa autorëve të njohur, duke përfshirë William Shakespeare, Miguel de Cervantes dhe Inca Garcilaso de la Vega.
Çdo vit, si pjesë e festimeve për Ditën Botërore të Librit dhe të Drejtës së Autorit, një Kryeqytet Botëror i Librit zgjidhet nga UNESCO dhe organizatat ndërkombëtare që përfaqësojnë tre sektorët kryesorë të industrisë së librit: botuesit, shitësit e librave dhe bibliotekat. Qytetet e përzgjedhura marrin përsipër të promovojnë librin dhe leximin për të gjitha grupmoshat dhe në të gjithë sektorët e shoqërisë, në vendin pritës dhe më gjerë.
Deri më sot, UNESCO ka caktuar 25 Kryeqytetet Botërore të Librit, nga Madridi, Spanja, në vitin 2001, deri në Rio de Zhaneiro, Brazil, në vitin 2025. Këtë vit, qyteti brazilian po zbaton një projekt që nënvizon se si librat mund të sjellin ndryshime sociale, përmes shkrim-leximit, edukimit dhe zhdukjes së varfërisë, dhe të krijojnë përfitime të qëndrueshme ekonomike.
