Dita e Vajzave/ Shkolla “ Hamdi Bushati” realizoi një panair me punimet e nxënësve

Shkolla “Hamdi Bushati” tashmë e ka kthyer në traditë që data 25 prill të jetë “Dita e Vajzave”, ku në kuadër të kësaj dite të zhvillohen aktivitete të ndryshme.
Në bashkpunim me ZVA Shkodër dhe bizneset, shkolla profesionale “Hamdi Bushati” zhvilloi një panair ku nxënësit prezantuan punimet tyre. Nxënësit prezantuan para pjesmarrësve punimet që kishin realizuar me aq kujdes në degët profesionale si Hoteleri-Turizmi dhe Tekstil-Konfeksioni. Natyra e aktivitetit për Ditën e Vajzave në Shkodër është një përpjekje e përbashkët midis shkollës profesionale “Hamdi Bushati”, bizneseve partnerë, dhe shkollave të arsimit të detyrueshëm për të inkurajuar vajzat e klasës së 9-të të eksplorojnë dhe të përjetojnë profesione të ndryshme në fushat e hotelerisë-turizmit dhe tekstilit-konfeksionit.