Dita e Verës, Begaj dhe Rama urojnë qytetarët
Presidenti Bajram Begaj dhe kryeministri Edi Rama kanë uruar sot qytetarët për Ditën e Verës. Me një foto në Facebook, ku në qendër janë ballokument, ëmbëlsira tradicionale e kësaj feste, Presidenti Begaj shkruan: “Gëzuar Ditën e Verës me këtë shportë të përgatitur nga amvisat e Elbasanit, kryeqytetit shqiptar të festimit të kësaj dite!”.
Kryeministri Rama ka zgjedhur të urojë përmes një video në rrjetet sociale.
“Mirëmëngjes dhe Gëzuar Ditën e Verës”, shkruan Rama.
Nga një festë e vogël lokale, sot Dita e Verës është bërë një nga festat me përhapje të madhe në të gjithë vendin. Në këtë ditë të shënuar, Elbasani kthehet në qendër të festimeve me aktivitete të larmishme, nga ekskursionet në natyrë, deri tek dreka e begatshme familjare, ku nuk mungojnë ballokumet. Por po ashtu nuk mungojnë festimet as në Tiranë.
