Dita Ndërkombëtare e Shkopit të Bardhë – Mesazhi i kantautorit shkodran, humbi shikimin në moshë të re
Ishte në moshën 6-vjeçare kur kantautori shkodran, Gjokë Vata, shfaqi probleme me shikimin.
Aktualisht është 89-vjeç, shumë aktiv në rrjetet sociale dhe në përditshmërinë e tij.
Vata ka folur për RTSH në Ditën Ndërkombëtare e Shkopit të Bardhë, e cila simbolizon përpjekjet e qytetarëve të verbër për përmirësimin e standarteve të jetesës dhe të të drejtave të tyre. Në mesazhin që përcjellë thotë se kjo shtresë duhet të jetë e barabartë dhe e gjithëpërfshirë në shoqëri.
Për kontributin, artistit Gjokë Vata i është akorduar edhe titulli “Krenaria e Qytetit” nga Bashkia e Shkodrës në vitin 2000.
