Ditë “jo” për basketbollin shkodran/Vllaznia-Flamurtari femra, 44-54, dhe Vllaznia-Kamza meshkuj, 62-102

Një ditë “jo” për basketbollin shkodran, ka qënë ajo e djeshmja, kur që të dy ekipet e Vllaznisë, për femra dhe meshkuj i kanë humbur ndeshjet e tyre. Që të dy ekipet i kanë zhvilluar ndeshjet e tyre në pallatin e sportit “Qazim Dervishi”, ku të parat në parket janë shfaqur femrat. Vllaznia e drejtuar nga trajneri Bledar Gjeçaj kishte përballë ekipin kampion të Flamurtarit. Kronika e lojës flet për një rivalitet, kur skuadra mike fiton periodën e parë 13 me 29, ndërkohë që Vllaznia fiton të dytën 21 me 19. Pjesa e dytë nis përsëri më mirë për Flamurtarin që fiton periodën e tretë 15 me 29, por në periodën e katërt Vllaznia e përmirëson ndjeshëm lojën e saj duke e barazuar rezultatin, madje është edhe pranë fitores, por në dy-tre minutat e fundit, kampionet në fuqi të Flamurtarit me tre lojtare të huaja në formacion e mbyllin ndeshjen në favorin e tyre, 44-54.Ndryshe nga ekipi i femrave që rivalizoi deri në fund, basketbollistët meshkuj të Vllaznisë , të cilët u ndeshën me Kamzën bënë një paraqitje aspak të mirë në këtë ndeshje. Përpos një periode të dytë të fituar 21 me 19, tre të tjerat u fituan nga Kamza, përkatësisht 13-29, 15-29, 13-25 duke dalë fituese e të gjithë ndeshjes me rezultatin e thellë 62-102.Ndeshja në fjalë ishte e vlefshme për javën e katërt të Superligës së basketbollit meshkuj, ku pas humbjes në shtëpi me Kamzën, Vllaznia ka regjistruar, dy fitore dhe dy humbje.