“Trashëgimia e Gjallë”, kjo është tematika e Ditëve Europiane të Trashëgimisë që do të nisin nga sot e në vazhdim për plot një javë në Muzeun Kombëtar të Fotografisë “Marubi” në Shkodër. Fokusi i Ditëve Europiane të Trashëgimisë do të përqendrohet në praktikat, dijet dhe mjeshtëritë që janë tejçuar ndër breza dhe që promovojnë në ditët e sotme, diversitetin kulturor dhe kreativitetin.
I gjithë programi lidhet me ekspozitën e përkohshme të vëllezërve Janaki e Milton Manaki fotografë e kineastë, ndër më të rëndësishmit e Ballkanit të fillim shekullit XX. Ajo do të vijë përmes punëtorive dhe kontributeve të studiuesve të fushave të ndryshme të cilët hedhin dritë mbi historinë e krijimtarinë e Manakëve apo trajtojnë rituale që gjenden të pasqyruara në imazhet e tyre.
Duke nisur nga punëtoritë, pjesë e programit të edukimit mbi ekspozitën dhe duke vijuar me bisedat me Igor Stardelov, studiues e përgjegjës i departamentit për ruajtjen e materialeve audiovizuale në Kinotekën e Maqedonisë së Veriut.
Pjesë e programit pritet të jetë edhe Mikaela Minga muzikologe e cila do të prezantojë një hulumtim të sajin mbi muzikën arumuno-vllehe. Ditët e trashëgimisë përmbyllen të shtunën në darkë, me shfaqjen e dokumentarit të regjisores Eliza Zdru që zë fill nga një fotografi e ruajtur në albumin e famijes që e nxit të rrugëtojë nëpër Ballkan, në kërkim të gjurmëve të Janaki dhe Milton Manakit.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.