Dogjën dy makina në Shkodër/Vihen në pranga autorët, shpallet në kërkim porositësi

Dy vëllezër u arrestuan në Shkodër pasi akuzohen se i vunë flakën makinave që ishin në përdorim nga një agjent krimesh në Shkodër .
Ngjarja ka ndodhur më 30 tetor në lagjen ‘Kongresi i Përmetit, ku dy makinat, u shkrumbuan totalisht nga flakët. Të arrestuarit janë dy vëllezër 20 vjeçarë . Ndërkohë është shpallur në kërkim porositësi. Falë kamerave të sigurisë policia ka siguruar dhe pamjet e momentit kur vëllezërit hyjnë në oborrin e banesës, vendosin shishen me benzinë para makinës dhe i vënë zjarrin.Gjatë kontrollit në banesën e dy vëllezërve efektivët sekuestruan veshjet, biçikleta e përdorur gjatë vendosjes së zjarrit, një armë zjarri automatik një sasi lënde narkotike kanabis dhe 18 aparate celular.Operacioni u kodua ‘Porositësi’. Materialet procedurale i kaluan Prokurorisë, për veprime të mëtejshme.