Dogji mobilerinë, arrestohet 36- vjeçari -Rogers Mera ishte dënuar më parë për dhunë në familje

Një shtetas 36- vjeçar është vënë në pranga nga policia, si autor i zjarrvënies në një mobileri në në fshatin Gjormë të Lezhës.

Rogest Mera është vënë në pranga nga blutë, i identifikuar, kapur dhe arrestuar si autor i dyshuar i zjarrvënies.

Sipas policisë, si rezultat i veprimeve hetimore, ai akuzohet për djegien e mobilierisë në pronësi të shtetasit Alban Shehu, 52 vjeç, në fshatin Gjormë, më datë 31 dhetor 2024. Pronari i mobilerisë, rezulton banues në Tiranë, ndërsa zjarrvënia sipas policisë, ka ndodhur për motive të dobëta.

Si pasojë  e zjarrit, janë shkaktuar dëme të konsiderueshme materiale, ndërsa janë gjetur dhe sekuestruar një aparat celular, gjatë kqyrjes të të cilit janë konstatuar biseda me interes që implikojnë 36- vjeçarin e arrestuar, mbetje rrobash të djegura që dyshohet se janë përdorur nga autori ditën e ngjarjes.

Po ashtu, Mera ka të dëmtuar nga zjarri edhe dorën e djathtë, në shkallë të rëndë.

Autori rezulton të jetë person me probleme të shëndetit mendor ndërsa ka dyshime se mund të jetë porositur nga persona të tjerë dhe po vijojnë hetimet. Më herët, Rogers Mera ishte dënuar për dhunë në familje.