hamburg drame
Një ditë pas aksidentit tragjik që la katër punëtorë ndërtimi të vrarë në qytetin gjerman të Hamburgut, mësohet se viktimat janë shtetas shqiptare.
Një prej tyre ende nuk është nxjerrë nga rrënojat.
Policia konfirmoi të martën kombësinë e viktimave, duke kundërshtuar deklaratën e mëparshme se ata ishin shtetas bullgarë.
Ekipet e shpëtimit mbërritën që në mëngjes në kantierin e ndërtimit për të vazhduar ndërhyrjet që të shpëtojnë personin e katërt të varrosur nën peshën e ashensorit.
Të hënën, viktimat raportohet se po punonin për vendosjen e ashensorit në një ndërtesë, kur pajisja u shkëput nga kati i 8-të dhe rrëzoi skelën kryesore, duke i zënë poshtë.
Aksidenti ndodhi në pjesën e qytetit-port anës lumit Elbe, në lagjen Hafensiti, e cila po zhvillohet me godina të reja rezidenciale, hotele dhe dyqane.
Pas tragjedisë, 700 punonjës u evakuan nga trualli për ndërtim.
Media gjermane BILD raportoi se nga rezultatet paraprake skela duket se nuk ishte ankoruar siç duhet dhe rreth 80 blloqe betoni (secila me peshë rreth 20 kilogramë) ishin ruajtur për t’u instaluar më vonë. /BILD
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.