Dritë jeshile për Shirokë-Zogaj/Beci në rrjetet sociale, është lidhur kontrata prej 4.7 mln euro
Rikonstruksioni i aksit Shirokë-Zogaj pritet të nisë së shpejti.Lajmin e ka bërë të ditur kryebashkiaku Benet Beci në rrjetet sociale. Beci sqaron se kontrata për nisjen e punimeve është lidhur.
4.7 milionë euro, lidhet kontrata për fillimin e punimeve në rrugën Shirokë-Zogaj dhe sistemin e ujërave të zeza për këto zona.
Ky projekt do të zbatohet nga kompania ALB Star e cila fitoi kontratën 4.7 milion euro.Banka Europiane për Rindërtim dhe Zhvillim është njoftuar për nënshkrimin e kontratës mes Fondi Shqiptar i Zhvillimit/ Albanian Development Fund dhe kompanisë Alb Star e cila parashikon që punimët te perfundojnë me 2 tetor 2025. Kjo ndërhyrje pas shumë vonesave të krijuar në vite, tashmë është vijim i një sërë investimesh të mëdha që kanë përfshirë Shkodrën, ku ka nisur puna për hyrjen e qytetit, investimi 11 mln euro për segmentin nga Harku i Bërdicës deri tek Ura e Bahçallekut, si dhe transformimin e Zdrales.
Pritet qe këto investime të japin ndikim të drejtëpërdrejtë jo vetëm në turizëm dhe zhvillimin e qëndrueshëm por edhe jetën e banorëve vendas.
