Drogë në makinën ku udhëtonte, Policia Kufitare arreston në Han të Hotit 38- vjeçarin nga Mali i Zi

Policia e Shkodrës ka arrestuar ditën e sotme një 38-vjeçar nga Mali i Zi , i cili tentoi të dilte nga Shqipëria me 1 kg drogë në makinë.

I ndaluari në pikën e Hanit të Hotit është Anton Donoviç, i cili e kishte fshehur lëndën narkotike poshtë kofanos së automjetit që drejtonte. Zbulimi i lëndës narkotike u bë edhe me ndihmën e qenit antidrogë të policisë.

Gjatë kontrollit në këtë automjet, shërbimet e Policisë Kufitare të Hanit të Hotit gjetën rreth 1 kilogramë lëndë narkotike cannabis sativa.

Në lidhje me këtë rast u njoftuan Specialistët e Seksionit për Hetimin e Narkotikëve në DVP Shkodër, të cilët në përfundim të veprimeve të para procedurale bënë arrestimin në flagrancë të 38-vjeçarit, për veprën penale “trafikimi i narkotikëve”, njoftoi policia.

Si prova materiale u sekuestruan lënda narkotike, aparati celular dhe makina e të dyshuarit.

Pas veprimeve paraprake hetimore, dosja i kaloi Prokurorisë së Shkodrës, për procedura të mëtejshme.