Tre të plagosur është bilanci i dy aksidenteve të ndodhura paraditen e së enjtes në rrugët e Qarkut të Lezhës.
Aksidenti i parë ndodhi rreth orës 9 e 30 minuta në superstradën Lezhë–Shkodër, në afersi të fshatit Mabë, ku një automjet tip “Audi” u përplas me një kamper në të cilin udhëtonin një çift turistësh gjermanë. Nga aksidenti mbetën të plagosura dy vajza, të cilat me lëviznin me autoveturën.
Ata u dërguan për ndihmë mjekësore në Spitalin Rajonal të Lezhës, ku ndodhen nën kujdesin e bluzave të bardha, njëra prej të cilave në gjendje më të rëndë për shkak të frakturave të marra në disa pjesë të trupit.
Pak minuta më vonë një tjetër aksident u regjistrua në aksin rrugor Lezhë–Shëngjin, pranë lagjes “Sakë”. Një motorçikletë në të cilën lëvizte një 31-vjeçar u përplas nga nja automjet i cili u largua nga vendi i ngjarjes.
Nga aksidenti mbeti i plagosur drejtuesi i motorçikletes Marsido Pali, i cili u dërgua me urgjence në Spitalin Rajonal të Lezhës, ku pas marrjes së ndihmës së parë mjekësore mësohet se ndodhet jashtë rrezikut për jetën.
Ndërkohë policia po punon për identifikimin e automjetit që përplasi motorçikleten si dhe zbardhjen e rrethanave të këtyre dy aksidenteve.
Në harkun kohor të dy ditëve në rrugët e Lezhës kanë ndodhur 5 aksidente, me një bilanc të frikshëm 1 e vdekur dhe 8 persona të plagosur.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.