Dy botime të reja për Shkodrën – Promovimi i veprave të Nadir Zhabjakut në Bibliotekën Shkencore
Në ambientet e Bibliotekës Shkencore të qytetit u zhvillua promovimi i dy librave të autorit shkodran, Nadir Erkoçi Zhabjaku.
Dy veprat e prezantuara për publikun ishin: monografia “Hasan Preza – Ashiku i Kangës Popullore Qytetare Shkodrane” dhe përmbledhja poetike “Panteoni i Lirisë – Triptik poetik”.
Përmes këtyre dy librave, autori përçon dashurinë për kulturën, historinë dhe vlerat qytetare shkodrane, duke e mbajtur gjallë kujtesën kolektive.
Nadir Erkoçi Zhabjaku është një emër i njohur në arsimin e Shkodrës, ku ka shërbyer për dekada si mësues dhe drejtues shkolle.
Ai ka kontribuar gjithashtu në botime për fjalorin e fjalëve të rralla dhe shprehjeve të jetës së përditshme, si dhe është autor i gazetës “Luleborë”, një botim i dedikuar nxënësve të shkollës 9-vjeçare.
