Dy libra në harmoni mes tyre , Qendra e Studimeve Albanologjike prezantoi dy botimet e reja për figurat e shquara historike
Librarive të Shkodrës i janë shtuar edhe dy libra të rinj. Botimet e reja u prezantuan në mjediset e Bibliotekës Shkencore të UNISHK. Dy libra në harmoni me njëri-tjetrin. I pari “Kolë Thaçi, shtetari poet” me autorë akademikët e UNISHK Alfred Çapaliku, Blerta Dragusha, Elidiana Basha, Ermira Alija, Florian Bjanku, Isida Hoxha dhe Yllka Rupa ndërsa i dyti “Odeon” me autor Alfred Çapalikun.
Këto vepra të reja kontribuojnë më tej në njohjen e figurave të shquara të Shkodrës dhe jo vetëm që nga historia e deri në ditët e sotme, shprehen disa nga studiuesit pjesëmarrës në takim.
Një prej figurave të trajtuara gjerësisht në libër, Kolë Thaçi, ishte një nga kontribuesit e shquar në disa fusha si: arsim, politikë dhe letërsi ndërsa disa kohë më parë universiteti “Luigj Gurakuqi” ka organizuar edhe një konferencë shkencore për këtë personalitet.
