Dy shtetas ndalohen nga policia, procedohet edhe një 39- vjeçar për dhunë

Dy shtetas të moshave 61  dhe 47 vjeç  janë arrestuar nga policia.

Policia njofton se, 61 vjeçari, banues në fshatin Grizhë, u kap duke drejtuar motomjetin pa leje drejtimi.

Ndërsa 47- vjeçari, banues në Shkodër,  u kap duke drejtuar automjetin, në gjendje të dehur.

 Komisariati i Policisë Shkodër referoi materialet në Prokurori, ku filloi procedimi në gjendje të lirë për shtetasin A. K., banues në fshatin Gajtan i Sipërm, pasi nga kontrollet dhe verifikimet e kryera në bashkëpunim me shërbimet e OSHEE-së, u konstatua se në banesë kishte lidhje të paligjshme të energjisë elektrike.

Stacioni i Policisë Velipojë referoi materialet shtesë në Prokurori, ku nisi procedimi penal për shtetasin E. P., 39 vjeç, banues në Shkodër, pasi ka bërë kallëzim një 24-vjeçar, se ky shtetas e ka goditur me grusht, në fytyrë, për motive të dobëta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.