E arta në Paris “i jep” para, shtëpi dhe ushqime falas për të gjithë jetën
Karlos E. Julo përveç se fitoi të artën në Paris 2024 ka marrë edhe një shtëpi. 24-vjeçari është i pari që i jep dy të arta Filipineve në një Olimpiadë.
Më 1 gusht agjensia e shit-blerjeve të pronave në Filipine, “Megaworld”, i ka ofruar medalistëve të artë të Filipineve nga një apartament në zonën më të mirë të qytetit Taguig. Gjimansti pritet që të marrë një banesë, e cila vlen rreth 414,046 mijë dollarë.
Përveç shtëpisë 24-vjeçarit i është premtuar nga shteti edhe një çmim prej 10 milionë pezoz filipinas (172,519 mijë dollarë).
Për Julon një sërë restorantesh i kanë ofruar mundësinë e furnizimit pa limit me ramen (gjellë popullore aziatike) për të gjithë jetën ndërsa Universiteti i Mindanao i ka dhënë kredite falas dhe mundësi për të vazhduar studimet.
