Ekipi i Trump dhe administrata Biden nënshkruajnë Memorandum Mirëkuptimi
Ekipi i Presidentit të zgjedhur të SHBA-së, Donald Trump dhe administrata e presidentit në largim Joe Biden kanë nënshkruar një memorandum mirëkuptimi, duke mundësuar një tranzicion të plotë të pushtetit.
Ky memorandum, sqaron shefja e kabinetit të Trump, lejon kandidatët e piketuar për të qenë pjesë e kabinetit, që të nisin nga puna.
“Pas përfundimit të procesit të përzgjedhjes së kabinetit të tij të ardhshëm, Presidenti i zgjedhur Trump po hyn në fazën tjetër të tranzicionit të administratës së tij duke ekzekutuar një Memorandum Mirëkuptimi me Shtëpinë e Bardhë të Presidentit Joe Biden. Ky angazhim i lejon kandidatët tanë të synuar të kabinetit të fillojnë përgatitjet kritike, duke përfshirë vendosja e ekipeve të uljes në çdo departament dhe agjenci, dhe të përfundojë tranzicioni i rregullt i pushtetit,” tha Susie Wiles, shefja e kabinetit të presidentit të zgjedhur.
Republikani Donald Trump mundi demokraten Kamala Harris në zgjedhjet presidenciale amerikane të mbajtura më 5 nëntor. Inaugurimi i tij është caktuar për 20 janar 2025.
