Eksploziv makinës në Shkodër – Pronari i automjetit: Nuk kam asnjë ide se kush mund të jenë autorët
Shkodra u zgjua mëngjesin e sotëm nga një shpërthim me tritol që u vendos tek goma e parë e një automjeti, i cili është dëmtuar pjesërisht. Ngjarja ndodhi rreth orës 02.30 minuta në rrugën “Martin Camaj”, në lagjen “Rus”.
Forcat e policisë kanë mbërritur në vendngjarje duke nisur hetimet për zbardhjen e plotë të kësaj ngjarje.
Mësohet se pronari i automjetit të jetë Alban Bushati 37-vjeç nga Shkodra.
Ai ka deklaruar në polici se nuk ka asnjë ide se kush mund të jenë autorët e ngjarjes, pasi vetë ka një biznes ku shet fruta-perime.
Ndërkohë , policia dyshon se më parë ky shtetas është marrë me baste sportive dhe ka dyshime se kjo ngjarje mund të lidhet me bastet.
Grupi hetimor nën drejtimin e Prokurorisë po kryen veprimet për sqarimin e rrethanave, identifikimin dhe kapjen e autorit ose autorëve.
