Ekspozita me piktura dhe skulptura – Kaltrina Hoti dhe Fatlon Ibishi prezantuan punimet artistike në Shkodër
Galeria “Oda” në Shkodër hapi dyert për ekspozitën e parë të vitit.
“Klithma në heshtje” është një ndërthurje e pikturës me skulpturën e dy artistëve, Kaltrina Hoti dhe Fatlon Ibishi.
Ekspozita paraqet një eksplorim mbi shqetësimet emocionale që e ftojnë audiencën në një reflektim.
Për Kaltrinën, me origjinë nga Plava e Malit të Zi, është hera e parë që prezanton punimet artistike në Shkodër përmes një ekspozite.
Piktura buron si një thirrje e brendshme për artisten.
Ndërsa, për Fatlonin nga Maqedonia e Veriut, kjo është ekspozita e dytë në Shkodër. Skulpturën e shikon si një dëshmi të emocioneve më të thella.
Ekspozita “Klithma në heshtje” tërhoqi vëmendjen e vizitorëve të shumtë në mjediset e galerisë.
