Ekspozohen në Lezhë 25 vepra të Martin Camajt, dy prej të cilave me nënshkrimin e tij
Veprat e Martin Camajt, një prej figurave të shquara letrare të vendit janë ekspozuar në bibliotekën “Gjergj Fishta” në Lezhë. Kjo ekspozitë e veçantë është hapur në kuadër të 33-vjetorit të vdekjes së Martin Camaj dhe përmban 25 vepra të tij, dy prej të cilave të nënshkruara nga vetë autori.
“Siç e shihni ndodhet nënshkrimi i Martin Camaj në vitet e fundit të jetës”, u shpreh Paulin Zefi, Përgjegjës i Bibliotekës “Gjergj Fishta”.
Kjo iniciative do të kthehet në traditë për të sjellë në vëmendje dhe përkujtuar, njerëzit e letrave që kanë lënë gjurmë në vendin tonë thotë përgjegjësi i Bibliotekës “Gjergj Fishta” në Lezhë Paulin Zefi.
Kjo ekspozitë me veprat e Martin Camaj do të qëndrojë e hapur për disa ditë dhe është një mundësi e mirë për të gjithë ata që duan të njohin më shumë rreth jetës dhe veprës së tij, si dhe për të shfrytëzuar mundësinë e pasurimit të njohurive mbi këtë autor të shquar shqiptar.
