Ekstradohet nga Gjermania shkodrani/Ishte shpallur në kërkim për “Trafikim të narkotikëve”
Eltion Dani, 31 vjeç nga Shkodra i shpallur në kërkim ndërkombëtar nga Gjykata e Posaçme për trafik të lëndëve narkotike kryer në formën e grupit të strukturuar kriminal është ekstraduar nga Gjermania.Policia njofton gjithashtu se ka ektraduar edhe një shtetas tjetër i shpallur në kërkim ndërkombëtar për trafikim të lëndëve narkotike. Sipas Policisë së Shtetit Eltion Dani akuzohet se gjatë periudhës janar 2018-dhjetor 2022, ka qenë pjesë e një grupi kriminal që trafikonte sasi të mëdhaja droge, në Danimarkë, Suedi, Norvegji, Holandë dhe Gjermani. Ky shtetas ka qenë i shpallur në kërkim ndërkombëtar pasi Gjykata e Posaçme e Shkallës së Parë Kundër Korrupsionit dhe Krimit të Organizuar, me vendimin e datës 28.06.2023, i ka caktuar masën e sigurisë “Arrest në burg” për veprën penale “Trafikimi i narkotikëve”, kryer në formën e grupit të strukturuar kriminal.
