Ekstremet e motit dëmtojnë bujqësinë, Kina rrit përpjekjet për të parandaluar rikthimin e fermerëve në varfëri

Dy vite pasi njoftoi se vendi kishte dalë nga varfëria absolute, Kina tashmë ka vendosor objektiv punësimin e 30 milionë banorëve në vit. Por, shteti me popullsinë më të madhe në botë, këtë vit është përballur me thatësira, çka ka ndikuar në prodhimin e drithërave.

Prodhimi i drithit veror është ulur me 1 275 miliardë kilogramë, paçka se ai i orizit është rritur disi krahasuar me vitin e kaluar.

Autoritetet atje po zgjerojnë përpjekjet për zbutjen e varfërisë në të gjithë vendin për të parandaluar rikthimin e fermerëve në varfëri, dhe qeveria ka vazhduar të rrisë çmimet minimale të blerjes së orizit dhe grurit në mënyrë që të rrisë fitimet e fermerëve.

Vitin e kaluar, të ardhurat vjetore të njerëzve të dalë nga varfëria u rritën me 14.3 për qind krahasuar me një vit më parë.

Edhe këtë vit, të ardhurat e tyre pritet të ruajnë rritje.

Sipas ekonomistëve në këtë shtet, vlera e shtuar e bujqësisë dhe industrisë së përpunimit të produkteve ushqimore vazhdon të rritet dhe shitjet me pakicë në internet të produkteve bujqësore kanë ruajtur një rritje dyshifrore, duke bërë që të ardhurat e fermerëve të rriteshin me mbi 7 për qind, më lart sesa norma e rritjes për të ardhurat e banorëve në zonat urbane.