Emnuel Suka rapsodi më i ri/Ai dhe dy motrat e tij ushqejnë dashurinë për instrumentet popullore

Emanuel Suka nuk është një djalë i zakontë. Ndryshe nga bashkëmoshatarëtë tij që rendin pas teknologjisë dhe rrjeteve sociale, ai dashuron instrumentet e traditës. Emanueli studion në shkollën artistike “Prenkë Jakova” në Shkodër për violonçel por ushqen një pasion të madh për instrumentin e lahutës. Veç mësimeve të shkollës çdo ditë Emanueli ushtrohet edhe në çifteli e piano por me lahutën ka një raport ndryshe. Emanueli është një nga trenjakët e familjes dhe ashtu si 14-vjeçari i talentuar edhe dy motrat e tij Elizabeta dhe Emanuela ndajnë të njëjtin pasion.Pa mbështetjen e prindërve asgjë nuk do të ish njësoj. Janë ata që i kanë rrënjosur dashurinë për instrumentet e traditës. Emanueli është padyshim rapsodi më i ri që kërkon të ndjekë gjurmët e trashëgimisë së pasur kulturore duke u vlerësuar në pjesëmarrjet e tij në festivale me çmime dhe vlerësime të vazhdueshme.