Emocionet e Esat Malës si ish i Partizanit/ Kosovari në formën e duhur, beson për fitore në përballjen e së dielës

Në formacionin e Vllaznisë për sfidën e së dielës ndaj Partizanit, në fushën e lojës do të jetë edhe një ish i të kuqve. Bëhet fjalë për Esat Malën, i cili aktualisht me fanelën kuqeblu po shfaqet si një ndër lojtarët më në formë të kampionatit.Duke folur për kundërshtarin që ka përballë, natyrisht që edhe paksa emocione brenda, por si kuqeblu, është tërësisht në shërbim të Vllaznisë. Pavarësisht emocioneve që dhuron kjo ndeshje, jo vetëm si ish i të kuqve, por edhe si një klasike e futbollit shqiptar, Mala, beson shumë në një fitore tre pikëshe në këtë sfidë.