Era e fortë dëmton serat në Kosmaç – Sipas fermerëve, dëmet shkojnë në disa miliona lekë
Erërat e forta kanë shkatërruar disa sera në zonën fushore të Shkodrës.
Më i prekuri është fshati Kosmaç, ndërsa për banorët e kësaj zone, dëmet financiare janë të konsiderueshme.
Kosmaçi është një nga zonat e Nënshkodrës me sipërfaqen më të madhe të serave.
Kjo është mënyra e vetme që ata të nxjerrin të ardhurat.
Serat janë një nga aktivitetet kryesore bujqësore, duke ndihmuar në zhvillimin ekonomik të zonës.
Ky fshat njihet kryesisht për prodhimin e sallatës dhe spinaqit. Këto produkte shpesh tregtohen në tregjet lokale dhe më gjërë.
Jashtë cameras, fermerët theksojnë së dëmet shkojnë në disa miliona lekë dhe ndërtimi i serave, gjithashtu është bërë me kredi, gjë e cila thellon problemet për ta.
Kosmaçi numëron rreth 84 hektarë sera duke e bërë një nga zonat më të rëndësishme të prodhimit të produkteve bujqësore, sidomos për veriun e vendit.
