Categories: BotaLajme

Erdoan viziton sot Gjermaninë

Preisdenti turk Rexhep Taip Erdoan pritet të  zhvillojë këtë të premte një vizitë të shkurtër në Gjermani, ndërsa qëndrimet e dy vendeve për luftën mes Izraelit dhe Hamasit janë krejt të kundërta. Në Berlin, Erdoan do të takohet me kancelarin Olaf Sholz dhe presidentin Frank-Ëalter Steinmeier.

Turqia shihet si një partner i vështirë por edhe thelbësor i Gjermanisë, vend në të cilin banojnë më shumë se 3 milionë persona me origjinë turke. Ajo është vend anëtar i NATO-s që ka një rol të rëndësishëm në përpjekjet për të kontrolluar fluksin e refugjatëve dhe emigrantëve që duan të shkojnë në Evropë, por gjithashtu gjatë viteve të fundit me Gjermaninë ka pasur tensione për një sërë çështjesh.

Gjermania është një aleate e izraelit dhe kundërshton thirrjet për armëpushim në Gaza, ndërsa gjithashtu është përfshirë në përpjekjet për të dërguar ndihma për civilët në enklavë dhe ka bërë thirrje për pauza për arsye humanitare në konfliktin që vijon. 

Erdogan ndërkohë ka ashpërsuar qëndrimin ndaj izraelit. Të mërkurën ai e quajti atë shtet terrorist që synim ka rrafshimin e gazës dhe banorëve të saj. Militantët e Hamas I ka përshkruar si luftëtarë të rezistencës që po përpiqen të mbrojnë tokat dhe popullin e tyre. Hamas ndërkohë është shpallur organizatë terroriste nga Izraeli, SHBA dhe BE.

Komente të tilla nuk janë pritur mirë nga politika gjermane. I pyetur për këto deklarata, Sholz nuk përmendi në mënyrë të drejtpërdrejtë emrin e Erdogan por tha se akuzat që po i bëheshin izraelit ishin absurde.  Ndërsa të mërkurën Sholz tha para parlamentit se me Erdoan do të diskonte edhe ndasitë në këndvështrime për sa i përket kësaj çështjeje.

“Është e rëndësishme të qartësojmë mirë qëndrimin tonë”, theksoi ai. Muajin e shkuar, Izraeli tërhoqi diplomatët nga Turqia pasi Erdoan e akuzoi për krime lufte. Turqia  u kundërpërgjigj duke tërhequr ambasadorin e saj nga Izraeli.

RTSH Shkodra

Recent Posts

Panorama e hyrjes së Shkodrës  – Pas aksionit për shembjen e objekteve nga IKMT, horizonti i fushëpamjes është zgjeruar

Në territorin ku është zhvilluar aksioni kanë mbetur inertet nga shembja e objekteve.  Ato zënë…

1 day ago

Silvinjo: Nisim një vit të rëndësishëm, ëndërrojmë të shkojmë në Botëror

Pas publikimit të listës së Kombëtares, me emrat e grumbulluar për dy sfidat ndaj Anglisë…

1 day ago

Koncert me muzikë e poezi – Eni Haxholli dhe Erlind Hoxha sollën tingujt e flautit dhe kitarës për publikun

Salla e Koncerteve në Shkollën Artistike “Prenkë Jakova” çeli dyert për koncertin e Grand Duo-s…

1 day ago

Saipani, territor amerikan, ku nënat kineze shkojnë sa për të lindur

I ashtuquajturi turizmi i lindjeve nuk po ndodh vetëm brenda Shteteve të Bashkuara. Nënat shtatzëna…

1 day ago

Autorët shqiptarë marrin çmimin e ekselencës në Itali

Shkrimtari dhe krijuesi lezhjan Ndue Dragusha është vlerësuar në Itali me çmimin special ndërkombëtar të…

1 day ago

Denaj: 1909 teste të akredituara në laboratorët e sigurisë ushqimore, nga 6 në 2013-n

Sot, në Ditën Botërore të Konsumatorit, Ministria e Bujqësisë dhe Zhvillimit Rural riafirmon angazhimin e…

1 day ago

This website uses cookies.