Ermonela Jaho merr çmimin e madh në “The Oper! Awards 2024” në Gjermani, për interpretimin e saj të jashtëzakonshem.
“Është e ditur tashmë se një karrierë në opera kërkon më shumë se sa një zë të bukur. Gjithashtu është e rrallë që një artist të shpërfaqë brendinë e tij tek publiku përmes këndimit dhe aktrimit njëkohësisht.
Në Zyrih, në 2023, “La rondine” e Puçinit u kthye në një natë prekëse e emocionuese me një thellësi të pamatë, falë Ermonela Jahos që ishte një Magda brilante: dallëndyshe që këndon fort dhe mjellmë në agoni njëkohësisht”, ishte motivacioni i çmimit të dhënë një natë më parë.
Vetë sopranoja shqiptare, përmes një postimi në rrjetet sociale është shprehur se ashtu si edhe çmimi që i është dhënë në Spanjë, ashtu edhe çmimi gjerman, ishin befasi.
“Do të mundohesha të shprehja me fjalë mirënjohjen dhe atë çfarë kjo arritje do të thotë për mua, por do të ishte e pamundur. Ndihem krenare edhe për renditjen mes të kandiduarve, le më pastaj për fitoren si “Këngëtarja më e mirë për 2024”. Faleminderit Oper!Awards për këtë nder të madh!”, ka shkruar Ermonela Jaho.
Ditë më parë, Ermonela fitoi edhe çmimin “Artistja e huaj më e mirë” për vitin 2023, për interpretimin e “Suor Angelica” në Barcelonë.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.