Euro 2024, Deschamps: Spanja skuadra që ka bindur më shumë

Didier Deschamps ka ide të qarta për pikat e forta të Spanjës, kundërshtarit  të Francës në gjysmëfinalen e Euro 2024:

“Të gjitha skuadrat spanjolle kanë pasur gjithmonë këtë aftësi të madhe për të kontrolluar lojën. Mesfusha është një nga pikat e tyre të forta, me Rodri në veçanti është skuadra që ka kontrolluar më së miri topin në këtë turne dhe ajo që ka lënë përshtypjen më të mirë te të gjithë.

Deschamps iu përgjigj me pak acarim atyre që i kërkonin llogari për shumë pak gola të shënuar nga kombëtarja e tij (dy autogola dhe një penallti nga Mbappé në pesë ndeshje të luajtura deri më tani):

“Nëse jeni të mërzitur, shikoni diçka tjetër. Përndryshe Kampionati Evropian është një turne i veçantë, shumë i vështirë për të gjithë. Skuadra ka arritur rezultate të rëndësishme në një moment të vështirë për Francën”.