Euroliga në RTSH: Fenerbahçe e Olympiacos, në gjysmëfinale

Pas Real Madridit dhe Panathinaikosit, tabloja finale e Euroligës 2024 u plotësua me fitoret jashtë fushe të Fenerbahçes dhe Olympiacosit, në ndeshjet vendimtare të play-off-it.

Fenerbahçe bëhet skuadra e parë në historinë e Euroligës moderne që fiton një ndeshje të pestë jashtë fushe. Turqit mundën Monacon në shtëpi me rezultat 79-80 pas kohës shtesë, falë trepikëshit vendimtare të Nick Calathes.

Basketboll i vërtetë, ajo çfarë pamë në ndeshjen mes Monaco dhe Fenerbahçes, ndeshja 5 e çerekfinales së Euroligës. 40 minutat nuk mjaftuan për të vendosur fituesin, koha shtesë ishte vendimtare dhe dy trepikëshat e Calathes i dhanë fitoren Fenerbahçes, e cila mund të festojë kalimin në Final Four. Mbrëmje historike sepse për herë të parë në Euroligë një skuadër fiton ndeshjen e 5 jashtë, pas 19 fitoreve radhazi të vendasve.

Është nata e goditjeve të jashtme. Në fushën e Barcelonës kalon edhe Olympiacos(BARCELONA-OLYMPIACOS 59-63) dhe fluturon drejt Berlinit, me një periodë vendimtare të katërt, pas një ndeshjeje shumë të vështirë nga të dyja palët. Pesë pikë radhazi nga McKissic, një treshe nga Papanikolau dhe katalanasit u vendosën në konfuzion të plotë, duke humbur topa në mënyrë të përsëritur dhe duke mos gjetur më veprime. +8 bëhet kështu një fjali, nga e cila skuadra e Grimaut nuk arrin ta rikuperojë, me gjithë një naivitet të grekëve, me faulle mjaft banale, të cilat i lejojnë vendasit të shkojnë -3, por pa arritur të gjejnë përmbysjen.