Parisi arriti fitoren e 10 radhazi duke ruajtur vendin e parë në renditje, teksa në ndeshjen e javës së 14-të mundi Olimpiakos në Pire me rezultatin 90-96. Ishte një takim ku që në minutat e para e gjeti skuadrën franceze në avantazh dhe bindëse në sulm. Çdo aksion përfundonte në pak sekonda dhe më së shumti me depërtime.
Kjo e vuri në vështirësi Olimpiakosin që shfaqi lodhje dhe aplikoi lojë më të ngadaltë. Perioda e parë përfundoi e barabartë 21-21, më tej Parisi shpëtheu në periodën e dytë duke shënuar 49 pikë pas 20 minutash. Olimpiakos tentoi të rikuperojë në periodën e tretë, por diferenca për francezët shkon me dy shifra.
Në periodën e katërt duket sikur Olimpiakos nuk ka më shpresë pasi rezultati shënon 60-80 për Parisin. Pikërisht këtu nis një parcial me 7 interceptime rresht dhe me 22 pikë nga Olimpiakos pa pësuar asnjë.
Si rrjedhojë nga -20 pikë, Olimpiakos kalon në avantazh 82-80. Në 3 minutat e fundit zhvillohet beteja e vërtetë. Por detajet e vogla dhe specifikisht 2 gabime për Olimpiakos vulosin fitoren e francezëve.
Një top i pazotëruar në tabelë dhe në fund një top që i rrëshket nga duart Fornier ku Hifi i Parisit e shënon për tri pikë dhe vjen fitorja për debutuesit e Euroligës. Me këtë sukses Parisi qëndron për të tretën javë në vend të parë ndërsa Olimpiakos zbret në vend të tretë.
Me rastin e 100-vjetorit të themelimit të dinastisë Marubi, një prej emrave më të njohur…
Komisioni Qendror i Zgjedhjeve në Kosovë vijon publikimin e të dhënave nga numërimi i votave…
Ministria e Financave ka lajmëruar se me qëllim forcimin e kapaciteteve të autoriteteve shqiptare për…
Komisioni Qendror i Zgjedhjeve ka miratuar fondet vjetore të 2025 për partitë politike që do…
Në një kohë kur sistemi i drejtësisë po vuan nga mungesa e magjistratëve, boshllëk që…
Të shtunën, besimtarët myslimanë nisin muajin e Ramazanit. Me këtë rast, teologu Arben Halluni, zëvendësmyfti…
This website uses cookies.