Fenerbahce shkon në raundin e 1/8-tave të Europa League. Në ndeshjen e dytë të zhvilluar, ekipi turk nuk shkoi më shumë se një barazim 2-2 ndaj Anderlehtit. Situata e ekipit belg ishte kritike pas humbjes në ndeshjen e parë 3-0.
Një përballje që nisi mirë për Fenerbahcen, ku në minutën e 4-ët, portieri i Anderlecht, Coosemans gaboi dhe En-Nesiri, sulmuesi më produktiv i skuadrës turke arriti të shënonte. Vetëm katër minuta nga ky gol, ndeshja u ndërpre për shkak të një sherri në tribuna mes dy tifozerive.
Situata përshkallzoi duke përfshirë edhe stjuardët e tifozë të tjerë, e duke bërë që të niste një kaos masiv. Kjo bëri që gjyqtari të urdhëronte pezullimin e përkohshëm të ndeshjes dhe të kthente skuadrat në dhomat e zhveshjeve.
Aty ekipet qëndruan për 15 minuta, derisa situata në tribuna u vu nën kontroll nga forcat e rendit. Me rifillimin e ndeshjes, intensiteti u rrit dukshëm, Anderlecht shtynte lart dhe pavarësisht qasjes së tyre agresive, miqtë ruanin balancat në fushën e lojës. Megjithatë, Anderlecht do të gjente golin në minutën e 19-të shënuar nga Luis Vazques.
Në pjesën e dytë, pikëristh në të 55-tën, ishte sërish Vazques që rihapi një farë shprese për Anderlechtin, por vetëm kaq, sepse Akcicek shënoi për turqit në minutën e 63’, në një tjetër moment pavëmendje në mbrojtjen belge. Nuk ka fitues, me ekipin belg që duhet t’i thotë lamtumirë kompeticionit të Europa League.
Hamilton-Lëklerk është dyshja e pilotëve që do të marrë vëmendjen më të madhe gjatë botërorit…
Në ndeshjen e dytë të play-off-it të Europa League, Roma erdhi nga prapa për të…
Zyrtarët e Shtëpisë së Bardhë i kanë thënë Ukrainës që të ndalojë keqardhjen ndaj Donald…
Delta Air Lines ka njoftuar se do të ofrojë një kompensim prej 30 mijë dollarësh…
Kryesia e Partisë Demokratike ka miratuar listat e kandidatëve që do të garojnë me njëri-tjetrin…
Gjatë fjalës së mbajtur në takimin përkujtimor të ‘Lëvizjes Dhjetor ’90’, për rrëzimin e shtatores…
This website uses cookies.