FA zënë vendin e 2-të në stërvitjen ndërkombëtare “Cambrian Patrol 2023”
FA
Ekipi i Forcave të Armatosura është renditur në vendin e dytë mes 37 vendeve pjesëmarrëse në stërvitjen ndërkombëtare “Cambrian Patrol 2023”, në Mbretërinë e Bashkuar.
Ministri i Mbrojtjes Niko Peleshi ka shprehur krenarinë për këtë arritje të FA-ve ndërsa shkruan në rrjetin social Facebook se “djemtë e batalionit të dytë të këmbësorisë së Forcës Tokësore treguan karakter dhe aftësi fizike të jashtëzakonshme në malet Kambrian në Uells duke përshkruar 65 km në këmbë, të ngarkuar me rreth 25 kg pajime, në më pak se 24 orë”.
