Felaj: Pavarësia e Avokatit të Popullit të përforcohet

Zv.kryetarja e Kuvendit, Ermonela Felaj, ka deklaruar se duhet të përmirësohet pavarësia e Avokatit të Popullit. Gjatë fjalës së saj në Konferencën Vjetore të Avokatit të Popullit, për këtë të fundit, Felaj kërkoi intensifikim të reagimit institucional.

“Pavarësia e Avokatit të Popullit të përforcohet. Burimet në funksion të punës së këtij institucioni po ashtu duhet të vijnë duke u shtuar.

Trajnimet për të informuar mbi qëndrimet dhe zhvillimet lidhur me liritë dhe të drejtat e njeriut mbeten thelbësore.

E gjithë kjo do të rrisë bashkëpunimin mes Avokatit të Popullit dhe Kuvendit për të sjellë rezultate të mira.

Avokati i Popullit duhet të intensifikojë reagimin institucional. Ne e nxisim për këtë,” tha Felaj, teksa vuri theksin te masat që duhen marrë për përmirësimin e efikasitetit të Avokatit të Popullit.

“Institucioni i Avokatit të Popullit dhe Kuvendi janë dy shtylla që duhen konsideruar si të përbashkëta për të drejtat dhe liritë e njeriut.

Për të përmirësuar efikasitetin e avokatit të popullit, besoj se duhen marrë parasysh disa masa,” u shpreh ajo.