Fëmijët e diasporës vizitojnë Shkodrën, njihen nga afër me historinë dhe kulturën e vendit të prindërve të tyre

Një grup prej rreth 20 nxënësish , fëmijë të emigrantëve, që mësojnë gjuhën shqipe në Itali  kanë vizituar Shkodrën për t’u njohur me historinë dhe kulturën e  qytetit .

Nxënësit  vizituan fillimisht rrugën muzeale “ Kolë Idromeno “  për të vijuar më pas me vizitën në Muzeun e fotografisë “Marubi”, ku u njohën me historikun e fotografisë  dhe themeluesin e studios së parë të fotografisë  shqiptare.

Gjatë qëndrimit në Shkodër ,  nxënësit nga Italia patën mundësinë të shohin nga afër dhe ambientet e RTSH Shkodrës dhe tetarit “Migjeni.

Në prononcimet e tyre ranë në sy emocionet për vizitën e vendit të prindërve të tyre, ndërkohë që shprehën dhe kënaqësinë që u jep mësimi i gjuhës shqipe.

Nga ana e saj , mësuesja e tyre , Elvira Lashi, një prej themelueseve të shkollës shqipe “ Skëndërbeg “ në Parma të Italisë,  shprehu kënaqësinë e lidhjes së hershme të vendit tonë me Italinë.

 Vizita në Shkodër e  nxënësve, fëmijë të emigratëtëve shqiptarë në  Itali, ishte pjesë e programit të Ministrisë së Kulturës dhe asaj të Arsimit  për mësimin e gjuhës shqipe të fëmijëve në disaporë.